7 كێشه‌ی ته‌ندروستی خانمان بێزار ده‌كات


هه‌میشه‌ نه‌خۆشی شێرپه‌نجه‌ی مه‌مك و پوكانه‌وه‌ی ئێسك و نه‌خۆشیه‌كانی دڵ یه‌كێكه‌ له‌ نه‌خۆشیه‌ مه‌ترسیدار و گه‌وره‌كان كه‌ توشی خانمان ده‌بێت، به‌ڵام هه‌ندێك كێشه‌ی ته‌ندروستی تر هه‌یه‌ كه‌ رۆژانه‌ خانمان بێزار ده‌كات و بۆته‌ كێشه‌یه‌كی سه‌ره‌كیان و كاریگه‌ری كردۆته‌ سه‌ر ژیانی كۆمه‌ڵایه‌تی و خێزانیان.

سوڕی مانگانه‌ %85 خانمان توشی كۆمه‌ڵێك نه‌خۆشی بێزاركه‌ری تر ده‌بێت به‌هۆی سوری مانگانه‌وه‌ كه‌ بریتین له‌ هه‌ڵئاوسان و هه‌وكردنی گه‌ده‌ و هه‌ستیاری مه‌مكه‌كان و ئازاری سه‌ر و خه‌مۆكی و دوودڵی و بێزاری و ئازاری پشت و شان و سك، ده‌كرێت ئه‌و ئازارانه‌ كه‌م بكه‌یته‌وه‌ به‌ كه‌م خواردنه‌وه‌ی مادده‌ كافاینه‌كان و خوێ وه‌ك چاو و قاوه‌، به‌ڵام ئه‌گه‌ر هه‌ست به‌ كرژبوون كرد كالسیۆم بخۆ وه‌ك شیر.

كرژبوونی حه‌وز واتا (تشنج) كه‌ده‌بێته‌ هۆی هه‌وكردن و ئازارێكی زۆر له‌سه‌ر ئاستی ره‌حم و سك،ده‌كرێت جه‌وه‌نه‌ی گه‌رم به‌كاربهێنیت ، یان چاره‌سه‌ری پێویست لای پزیشك وه‌ربگریت.

بوونی تایمێسك و برین له‌سه‌ر لێوه‌كان كه‌ له‌ %90 خانمان توشی ده‌بن، ده‌توانیت كرێمی و چاره‌سه‌ری پزیشكی به‌كاربهێنیت.
هه‌ڵئاوسانی قاچ و ده‌سته‌كان به‌هۆی دووگیانی یان خواردنی ده‌رمانی دژی دووگیانی یان گۆرانكاریه‌ هۆرمۆنیه‌كان، له‌و حاڵه‌ته‌دا خواردنه‌وه‌ی چای سه‌وز زۆر پێویسته‌.

قه‌بزبوون به‌هۆی زۆر بیركردنه‌وه‌ و دوودڵی و خه‌مۆكی توشی زۆرێك له‌ خانمان ده‌بێت و كرداری هه‌رسی خاو ده‌بێته‌وه‌.

كێشه‌ی له‌پێكردنی پیڵاوی به‌رز به‌هه‌مان شێوه‌ یه‌كێكه‌ له‌ كێشه‌ دیاره‌كانن چونكه‌ زیان به‌ پێ و پشت و بڕبڕه‌كانیان ده‌گه‌یه‌نێت.

خانمان له‌كاتی خه‌ودا زۆرتر توشی ئاره‌ق كردنه‌وه‌ ده‌بن، هه‌ر بۆیه‌ پێویسته‌ ئامێری ئه‌لكترۆنیه‌كانت 2 كاتژمێر لێ دوور بێت به‌ر له‌ خه‌وتن، چونكه‌ كاریگه‌ری ده‌كاته‌ سه‌ر هۆرمۆنه‌كانت.


03/01/2018






زۆرترین خوێنراو‌
‌هەواڵی پەیوەندی دار .. ‌