باڵیۆزخانەی کوەیت لە بەغدا داوا لە کوەیتیەکان دەکات بەخێرایی عراق جێبهێڵن

کەی دەیلی

باڵیۆزخانەی کوەیت لە بەغدا داوا لە کوەیتیەکان دەکات سەفەر بۆ عیراق نەکەن و ئەو کوەیتیانەشی لە عیراقن بەخێرایی وڵاتەکە جێبهێڵن. 

ئاژانسی هەواڵی کوەیت لە زاری باڵیۆزخانەی کوەیت لە بەغدا گواستوویەتیەوە،" داوا لە هاووڵاتیانی کوەیتی ناو عیراق دەکەین بەخێرایی عیراق جێبهێڵن بەمەبەستی پاراستنی گیان و ئاسایشی خۆیان بەهۆی رووداوەکانی عیراقەوە". 

هاوکات باڵیۆزخانەکە دەڵێت پێویستە هاوڵاتیانی کوەیتی نیشتەجێی عیراق بە یاسا و رێنماییەکانی عکومەتی عیراقیەوە پابەند تا رووبەڕووی سزا و زیندانی کردن نەبنەوە. 

ئەمە لەکاتێکدایە رۆژی ٢٥ ی مانگی ١٠ ش باڵیۆزخانەی کوەیت لە  بەغدا داوای لە کوەیتیەکان کردبوو لە کاتی هاتنیان بۆ عیراق ئەوپەڕی رێکاری سەلامەتی خۆیان بگرنەبەر و لە ناوچەکانی ناڕەزایی و خۆپیشاندانیش دوور بکەونەوە. 

هۆشدارییەکەی باڵیۆزخانەی کوەیت لەکاتێکدایە نزیکەی دوو مانگە شەقامەکانی عیراق خۆپیشاندان و ناڕەزایی گەورە بەخۆوە دەبینن و بەپێی دوا ئاماری نەتەوە یەکگرتووەکان ٤٢٤ کەس کوژراون و زیاتر لە ٨ هەزار کەسیش بریندار بوون. 



13/12/2019






زۆرترین خوێنراو‌
‌هەواڵی پەیوەندی دار .. ‌