مه‌زڵوم كۆبانێ: ده‌بێت تاوانه‌كانی توركیا دژی كوردانی رۆژئاوا رابگیرێت

کەی دەیلی

فەرماندەی هێزەکانی سوریای دیموکرات داوایكرد "ئه‌و تاوانانه‌ی توركیا به‌رامبه‌ر كورد ئه‌نجامی ده‌دات، ده‌بێت رابگیرێت"، وتیشی: نزیکەی 300 هەزار ئاوارە لەکاتی گەڕانەوەیان لەلایەن هیزە چەکدارەکانی سەر بە تورکیا رفێنراون و ئەشکەنجە دراون.

له‌ هه‌ژماری تایبه‌تیی خۆی له‌ تۆڕی كۆمه‌ڵایه‌تیی تویته‌ر، مه‌زڵوم کۆبانێ، فه‌رمانده‌ی گشتیی هێزه‌كانی سوریای دیموكرات نوسیویه‌تی: نزیکەی 300 هەزار ئاوارە لە کاتی هەوڵی گەڕانەوەیان بۆ شوێنەکانی خۆیان لەلایەن میلیشیاكانی سه‌ربه‌ توركیا رفێنراون و ئەشکەنجەدراون.

 كۆبانێ راشیگه‌یاندوه‌ كه‌ دەوامكردن لە 67 خوێندنگە راگیراوە، چونکە وەک کامپی ئاوارەکان بەکارهێنراون، ئەم تاوانانەی جەنگ لەلایەن تورکیاوە لە دژی خەڵکی ئێمە، دەبێت بوەستێنرێت".

فەرماندەی هەسەدە راشیگه‌یاندوه‌:" خانوی خەڵکە ئاسایەکانی سوریای کردوە بە کارتی فشار دژی کۆمەڵگەی نێودەوڵەتی و وەک بنکەی ئەندازیاری خۆی لە پلانەکانی گۆڕینی دیموگرافیای سوریا بەکاریدەهێنێت".

له‌ به‌شێكی دیكه‌ی تویته‌كه‌یدا فه‌رمانده‌ی هه‌سه‌ده‌ داوای لە کۆمەڵگەی نێودەوڵەتی و رێکخراوە نێودەوڵەتیەکان كرد دژی ئەو هەنگاوانەی تورکیا بوەستن و میکانیزمێکی گونجاو بۆ گەڕانەوەی بێ ترسی ئاوارەکان فەراهەم بکەن.


16/12/2019






زۆرترین خوێنراو‌
‌هەواڵی پەیوەندی دار .. ‌