پۆلیسی گەرمیان: گەنجێک بە فیشەک گیانی لەدەستدا


کەی دەیلی

دوانیوەڕۆی ئەمڕۆ سێ شەمە لەگەڕەکی شەهیدانی قەزای کەلارەوە گەنجێک بەناوی "حسین عاسی نامیق" لەدایکبووی 1989 هێنرایە بەشی فریاکەوتنی شەهید هەژار کەبەهۆی بەرکەوتنی فیشەکەوە گیانی لەدەستدابوو . 

مقەدەمی مافپەروەرعەلی جەمال قەدووری ڕاگەیاندنی پۆلیسی گەرمیان ئاشكرایكرد " حسین عاسی نامیق بەوتەی کەس وکاری ناوبراو نیوەڕۆی ئەمڕۆ لەنێو گۆڕستانی کەلاری کۆن بەهۆکارێکی نادیار بەچەکی کڵاشکۆف فیشەکی بەخۆیەوەناوەو گیانی لەدەستداوە".

لەئێستادا بەمەبەستی پشکنین تەرمەکەی ڕەوانەی پزیشکی دادوەری سلێمانی کراوەو پۆلیسیش پەڕاوی لێکۆڵینەوەی بۆڕوداوەکە کردۆتەوەو دەستی بەلێکۆڵینەوەکردوە لەسەر هۆکارو چۆنێتی ڕوداوەکە.



17/12/2019






زۆرترین خوێنراو‌
‌هەواڵی پەیوەندی دار .. ‌